Эксклюзіўны рэпартаж з масавай акцыі ў Менску на Дзень студэнта
Гул, улюльканьне і гучны звон учора запоўнілі менскія вуліцы — беларускія студэнты адзначылі 17 лістапада масавай акцыяй. Пачыналася яна яшчэ раніцай адначасова ў некалькіх самых вялікіх ВНУ горада, а завершылася на плошчы гандлёвага цэнтру сталіцы.
Паводле нашых крыніцаў задума правесьці акцыю зьявілася ў невядомых гарачых галовах, узбуджаных прамянямі апошняга цёплага сонца сэзону 2011.
А ўжо празь некалькі хвілінаў імкліва абляцеўшы горад праз сацыяльныя сеткі, sms ды іншыя небясьпечныя сродкі сувязі акцыя пачыналася на прыступках большасьці ВНУ.
Першымі падхапіліся дзяўчаты з Пэдагагічнага ўнівэрсытэта і літаральна выкаціліся на плошчу Незалежнасьці.
Аўдыторыі апусьцелі.
Даўначаканы гул плошчы імгненна абудзіў студэнтаў БДУ. Першыя групы актывістаў адразу ж пачалі зьбірацца на ганку галоўнага корпуса ўнівэрсытэта.
Праз суполкі ў тых самых сацыяльных сетках пра акцыю дачуліся гікі з Беларускага дзяржаўнага ўнівэрсытэту інфарматыкі і радыёэлектронікі.
Па-за позіркамі нетаемнай службы аховы Палітэха пачалі гуртавацца і тамтэйшыя спрытныя студэнты.
Урэшце студэнцкая акцыя ахапіла ўвесь горад і рушыла праспэктам па загадзя прадуманым маршруце.
Кропкай збору стала вялікая пляцоўка каля аднаго з гандлёвых цэнтраў сталіцы.
Мора з студэнцкіх актывістаў цалкам захапіла горад літаральна цягам некалькіх гадзінаў.
Паводле нашых крыніцаў масавая студэнцкая акцыя працягваецца і ў гэты момант.