Ліцэістка БДУ заваявала срэбра на міжнароднай алімпіядзе па астрономіі

Дзесяцікласніца Ліцэя БДУ Анастасія Капінская заваявала срэбны медаль на 8-й Міжнароднай алімпіядзе па астраноміі і астрафізіцы. Спаборніцтвы прайшлі ў румынскім горадзе Сучава. 

У склад беларускай каманды таксама ўвайшлі: гімназіст з Ліды Сяргей Бірыч, навучэнец сталічнага ліцэя №2 Дзмітрый Міхайлаў, а таксама выпускнікі гродзенскай гімназіі №3 Антон Кедук і Яўген Протас. 

Беларускія школьнікі паказалі добрыя вынікі ў трох турах: тэарэтычнае заданне, практычная праца і назіранне. Дарэчы, на апошнім этапе спаборніцтваў хлопцам давялося папрацаваць у планетарыі і нават пад адкрытым небам. 

Прэс-служба БДУ паведаміла Generation.by, што падрыхтоўкай каманды да спаборніцтваў займаліся дацэнт кафедры тэарэтычнай фізікі Брэсцкага дзяржаўнага універсітэта ім. А.С. Пушкіна Станіслаў Сякержыцкі і выкладчык астраноміі ліцэя БДУ Аляксандр Паплаўскі, які адзначыў, што ў гэтым годзе алімпіядныя заданні былі даволі складанымі адначасова вельмі цікавымі, непадобнымі на традыцыйныя. 

Наступная Міжнародная алімпіяда па астраноміі і астрафізіцы пройдзе ў жніўні 2015 у Інданезіі.