Кіраўніца МЗС Аўстраліі дала інтэрв'ю смайлікамі Emoji

Для апісання Пуціна кіраўніца МЗС Аўстраліі знайшла самы надзьмуты і счырванелы тварык.

Міністарка замежных спраў Аўстраліі Джулі Бішап, якую бачаць адным з асноўных кандыдатаў на пост прэм'ер-міністра, дала інтэрв'ю BuzzFeed, у якім адказала на пытанні пра сусветную палітыку піктаграмамі Emoji.

Агулам пры адказах на 14 пытанняў Джулі Пішап спатрэбіліся 26 смайлаў.

На пытанне пра тое, як бы кіраўніца МЗС Аўстраліі ахарактарызавала прэзідэнта РФ Пуціна, яна адказала надзьмутым чырвоным тварыкам.

Прэм'ера Аўстраліі Тоні Эбата спадарыня Бішап ахарактарызавала бягучым чалавекам.

На пытанне, ці плануе яна стаць аднойчы сама прэм'ер-міністрам, знайшоўся смайлік, што максімальна пазбаўлены эмоцый.

Джулі Бішап актыўна выкарыстоўвае Emoji у асабістым твітэры, які чытаюць болей сотні тысяч фалоўвераў.