У творчасьці Цімохава прасочваецца трапяткое стаўленьне да надзвычай цікавай і глыбокай спадчыны дахрысьціянскага, паганскага пэрыяду беларускай гісторыі, бо менавіта там мастак знаходзіць крыніцу творчага натхненьня. 27 кастрычніка ў Музэі сучаснага выяўленчага мастацтва мае адбыцца адкрыцьцё пэрсанальнай выставы Сяржука Цімохава «Паводле часу» з найбольш знакавымі працамі аўтара за апошнія 20 гадоў.