Група крэатараў з беларускай рэкламнай сферы, вядомая па беларускай пародыі на Gangnam Style, выклала сёння ў Сеціва новае сцёбнае відэа.
«Беларусь – вялікая краіна з багатай гісторыяй, але, нажаль, пакуль з маленькім насельнiцтвам. Мы файныя, мы клёвыя, нас павінна быць больш! Беларусі не хапае яшчэ болей выдатных спартоўцаў, таленавітых мастакоў і рэжысёраў, вучоных ды нават рэкламістаў.
На хвалі велізарнага патрыятызму, перамог на лядовых пляцоўках Чэмпіянату Света па хакеi, «Dranik Style» прэзентаваў новую грамадзянскую ініцыятыву. Зараз за нацыянальную зборную заўзее толькі 10 мільёнаў, а што будзе калі стане 70?
Дапаможам разам! І тады, нас заўважаць у свеце, Еўрабачанне, Алімпіяда, Оскар – ўсё будзе нашым!
Кахайцеся па-беларуску».